UAE மருத்துவ விடுப்புகள் இனி காத்திருப்பு இல்லாமல் ஆன்லைனில் சான்றளிக்கலாம்!

சுகாதார மற்றும் தடுப்பு அமைச்சகம் (MoHAP) புதன்கிழமை ஐக்கிய அரபு அமீரகத்தில் வசிப்பவர்களுக்கு நோய்க்கால விடுப்பு (Sick Leave) மற்றும் மருத்துவ அறிக்கைகளை வழங்குவதற்கும் சான்றளிப்பதற்கும் டிஜிட்டல் சேவைகளை நெறிப்படுத்தியுள்ளதாக அறிவித்துள்ளது.

ஐக்கிய அரபு எமிரேட்ஸின் பூஜ்ஜிய அரசாங்க அதிகாரத்துவ திட்டத்தின் ( Zero Government Bureaucracy Programme) கீழ், காகித வேலைகள் மற்றும் காத்திருப்பு நேரங்களை குறைத்து,  ஸ்மார்ட் தளங்கள் மூலம் மிகவும் திறமையான அனுபவத்தை வழங்குவதற்கு MoHAP அதன் டிஜிட்டல் சான்றளிப்பு சேவையை மேம்படுத்தியுள்ளது.

 MoHAP வலைத்தளம் அல்லது செயலி மூலமாக, UAE Pass பயன்படுத்தி AED 50 செலவில் உங்கள் மருத்துவ விடுப்பை விரைவாக ஆன்லைனில் சான்றளிக்கலாம்.

“இந்த முயற்சி செயல்திறனை மேம்படுத்துதல், பரிவர்த்தனை நேரங்களைக் குறைத்தல் மற்றும் ஒட்டுமொத்த வாடிக்கையாளர் திருப்தியை மேம்படுத்துவதை நோக்கமாகக் கொண்டுள்ளது” என்று அமைச்சகம் தெரிவித்துள்ளது. நெறிப்படுத்தப்பட்ட சேவை முழு டிஜிட்டல் அணுகல், நோய்கால விடுப்பு சான்றளிப்பை விரைவாக மாற்றுதல், எளிமைப்படுத்தப்பட்ட ஒப்புதல்கள் மற்றும் விரைவான குழு மதிப்பாய்வுகளை வழங்குவதை வழங்குகிறது.

பின்பற்ற வேண்டிய நடைமுறைகள்:

 5 நாட்கள்:  நோய்க்கால விடுப்பு 5 நாட்கள் அல்லது அதற்கும் குறைவாக இருந்தால், அது உடனடியாக ஆன்லைனில் அட்டெஸ்ட் செய்யப்படும். ஷார்ஜா அல்லது வடக்கு எமிரேட்ஸ்களில் உள்ள அரசு அல்லது தனியார் மருத்துவமனைகளால் விடுப்பு வழங்கப்பட்டால், அட்டெஸ்ட் அந்த மருத்துவமனையிலேயே மேற்கொள்ளப்படும்.

5 நாட்கள் – 1 மாதம்: நோய்க்கால விடுப்பு  5 நாட்களை தாண்டி, 1 மாதத்திற்குள் நீடித்தால், அது மின் முறையில் (ஆன்லைனில்) அட்டெஸ்ட் செய்யப்பட வேண்டும் மற்றும் தேவையான கட்டணம் செலுத்தப்பட வேண்டும்.

பின்னர், அந்த எமிரேட்டில் உள்ள துணை மருத்துவக் குழுவால் அங்கீகரிக்கப்பட வேண்டும். இந்தக் குழுவின் முடிவுகள்  ஒரு வேலை நாளுக்குள் தெரிவிக்கப்படும்.

ஒரு மாதத்திற்கு மேல் இருந்தால்: விடுப்பின் காலம் ஒரு மாதத்திற்கு மேல் இருந்தால், அது மின் முறையில் (ஆன்லைனில்) அட்டெஸ்ட் செய்யப்பட வேண்டும் மற்றும் தேவையான கட்டணம் செலுத்தப்பட வேண்டும். பின்னர் மதிப்பாய்வுக்குப் பிறகு MoHAP இன் உயர் மருத்துவக் குழுவால் அங்கீகரிக்கப்பட வேண்டும்.

முக்கிய குறிப்புகள்:

• தனியார் மருத்துவமனைகள் வழங்கும் சிகிச்சை விடுப்புகள் அரசால் உரிமம் பெற்ற மருத்துவமனையாக இருக்க வேண்டும்.
• விடுப்பு வழங்கப்பட்ட நாளிலிருந்து ஒரு மாதத்துக்குள் அட்டெஸ்டேஷன் கோரிக்கையை சமர்ப்பிக்க வேண்டும்.
• அமீரகத்தில் உள்ள சுகாதார அதிகாரங்களால் (DoH-Abu Dhabi, DHA, Sharjah Health Authority) ஏற்கப்பட்ட சிகிச்சை விடுப்புகளுக்கு மீண்டும் MoHAP அட்டெஸ்டேஷன் தேவையில்லை.
• வெளிநாடுகளில் வழங்கப்பட்ட சிகிச்சை விடுப்புகள் வெளியுறவு  அமைச்சகம் (Ministry of Foreign Affairs) மூலம் அட்டெஸ்ட் செய்யப்பட வேண்டும், பின்னர் MoHAP மூலம் சமர்ப்பிக்கப்பட வேண்டும். அதன் பிறகு அதை தகுந்த மருத்துவக் குழு மதிப்பாய்வு செய்து அனுமதி அளிக்கும்.

சமர்ப்பிக்க வேண்டிய ஆவணங்கள்:

• ஐந்து நாட்கள் அல்லது அதற்கும் குறைவான நோய்க்கால விடுப்பு: உடனடி சான்றளிப்பு.
• ஐந்து நாட்களுக்கு மேல் நோய்க்கால விடுப்பு: மருத்துவ விடுப்பு சான்றிதழ் மற்றும் விடுப்பு தொடர்பான மருத்துவ அறிக்கை.
• பாதுகாவலர் விடுப்பு: உறவுச் சான்று, நோய்க்கால விடுப்பு சான்றிதழ் மற்றும் மருத்துவ அறிக்கையை இணைக்கவும்.

உதவித்துறை தற்காலிக கீழ்மட்ட செயலாளர் அப்துல்லா அஹ்லி, “இந்த சேவையின் மூலம், சிக்கலான நடைமுறைகளை நீக்கி, விரைவான அங்கீகாரம் மற்றும் மருத்துவ முடிவுகளின் நம்பகத்தன்மையை உறுதி செய்யும் சிறப்பான, புத்திசாலியான முறையை அமைக்க எங்களது நோக்கம். வாடிக்கையாளர்களின் நம்பிக்கையை உயர்த்தும் வகையில், முழுமையான மற்றும் பயனர் நட்பு அனுபவத்தை வழங்க, அமைச்சகம் எந்தவித முயற்சியையும் தவிர்க்கமாட்டாது. இது மக்கள் எதிர்பார்ப்புகளை திறம்பட பூர்த்தி செய்யும்” என்று கூறினார்.

வாடிக்கையாளர் மகிழ்ச்சி துறையின் இயக்குநர் அமல் அல் மர்ஸூகி,  “இந்த முறைமை, நெகிழ்வானது, விரைவானது மற்றும் வெளிப்படையானது ஆக வடிவமைக்கப்பட்டுள்ளது. இதன் மூலம், பயனாளர்கள் எளிதாக அணுகி, செயல்முறையை சீராக முடிக்க முடியும்.  சுகாதார அமைப்பில் வாடிக்கையாளர்களின் நம்பிக்கையை அதிகரிப்பது எங்கள் குறிக்கோள். அதற்காக, பயனர் அனுபவத்தை தொடர்ந்து மேம்படுத்தி, சேவை வழங்கும் வழிகளை தற்போதைய மற்றும் எதிர்கால தேவைகளுக்கேற்ப வடிவமைத்து கொண்டு வருகிறோம்” என்று கூறினார்.