உங்கள் குழந்தையின் பிறப்புச் சான்றிதழ் இனி ஒரு கிளிக்கில்!

துபாய் ஹெல்த் அத்தாரிட்டி (DHA – Dubai Health Authority) அண்மையில் அறிமுகப்படுத்திய புதிய டிஜிட்டல் சேவையின் மூலம், பெற்றோர் தங்கள் குழந்தையின் பிறப்புச் சான்றிதழுக்காக ஆன்லைனில் விண்ணப்பிக்கலாம். இந்த சேவையின் மூலம், அமீரக குடியுரிமை பெற்றவர்களும், குடியிருப்பாளர்களும் துபாயில் உள்ள வாடிக்கையாளர் சேவை மையங்களுக்கு நேரில் செல்ல வேண்டிய அவசியம் இல்லாமல், வீட்டிலிருந்தே விண்ணப்பிக்கலாம்.

உள்ளடக்கம்

சேவை மொழிகள் மற்றும் செயல்முறை:தேவையான ஆவணங்கள்:ஐக்கிய அரபு அமீரக குடிமக்களுக்கு: அமீரக குடியிருப்பாளர்களுக்கு (பிற நாட்டு குடிமக்கள்):பிறப்புச் சான்றிதழ் தொலைந்துவிட்டால்?கூடுதல் நகல் (Reissue) வேண்டுமானால்:ஆன்லைனில் விண்ணப்பிக்கும் முறை:உதவி தேவைப்பட்டால்:

சேவை மொழிகள் மற்றும் செயல்முறை:

இந்த புதிய சேவை மூன்று மொழிகளில் கிடைக்கிறது:

அரபி

ஆங்கிலம்

உருது

துபாயில் உள்ள மருத்துவமனைகள் குழந்தையின் பிறப்பு அறிவிப்பையும், தேவையான ஆவணங்களையும் மின்னணு முறையில் DHA-வுக்கு அனுப்புகின்றன. அதன் பிறகு பெற்றோர் ஆன்லைனில் விண்ணப்பத்தை பூர்த்தி செய்து, கட்டணத்தை செலுத்தலாம்.

பிறப்புச் சான்றிதழை ஒரு வேலை நாளுக்குள் பெற்றுக்கொள்ளலாம். சான்றிதழ் மின்னஞ்சல் அல்லது மொபைல் மூலம் அனுப்பப்படும். அச்சுப் பிரதியை விரும்பினால், கூரியர் சேவையின் மூலம் பெறலாம்.

தேவையான ஆவணங்கள்:

ஐக்கிய அரபு அமீரக குடிமக்களுக்கு:

பெற்றோரின் எமிரேட்ஸ் ஐ.டி. அல்லது குடும்ப புத்தகம் (Family Book)

திருமணச் சான்றிதழ், ஐக்கிய அரபு அமீரகம் வெளியே வழங்கப்பட்டிருந்தால் அங்கீகரிக்கப்பட்ட சான்றிதழாக இருக்க வேண்டும் அல்லது குழந்தையின் பரம்பரையை உறுதி செய்யும் அதிகாரப்பூர்வ ஆவணம்

மருத்துவமனை வழங்கிய முத்திரையிடப்பட்ட பிறப்புக் குறிப்பு

மருத்துவமனை சரிபார்த்த பிறகு, மேலே கூறிய ஆவணங்களை டிஜிட்டல் வடிவில் பதிவேற்ற வேண்டும்

அமீரக குடியிருப்பாளர்களுக்கு (பிற நாட்டு குடிமக்கள்):

பெற்றோரின் எமிரேட்ஸ் ஐ.டி. அல்லது பாஸ்போர்ட்

அங்கீகரிக்கப்பட்ட திருமணச் சான்றிதழ்

மருத்துவமனை வழங்கிய முத்திரையிடப்பட்ட பிறப்புக் குறிப்பு

மருத்துவமனை சரிபார்த்த பிறகு, ஆவணங்களை டிஜிட்டல் வடிவில் பதிவேற்ற வேண்டும்

பிறப்புச் சான்றிதழ் தொலைந்துவிட்டால்?

பெற்றோர் ஆன்லைனில் விண்ணப்பிக்க வேண்டும்.
பெற்றோரின் எமிரேட்ஸ் ஐ.டி. அல்லது பாஸ்போர்ட் நகல்கள் இணைக்கப்பட வேண்டும்.
சான்றிதழ் இழந்ததை உறுதி செய்யும் காவல்துறை புகார் இணைக்கப்பட வேண்டும்.

கூடுதல் நகல் (Reissue) வேண்டுமானால்:

அசல் பிறப்புச் சான்றிதழின் நகல் பதிவேற்ற வேண்டும்.

பெற்றோரின் எமிரேட்ஸ் ஐ.டி. அல்லது பாஸ்போர்ட் நகல்கள் இணைக்கப்பட வேண்டும்.

ஆன்லைனில் விண்ணப்பிக்கும் முறை:

dha.gov.ae இணையதளத்திற்கு செல்லவும்.
முகப்புப் பக்கத்தில் Individual Services > Issue a New, Copy, or Replacement Birth Certificate என்பதைத் தேர்ந்தெடுக்கவும்
Access Service பொத்தானை கிளிக் செய்யவும்.
உங்கள் UAE Pass கணக்குடன் உள்நுழையவும்.
கணக்கு இல்லையெனில், உங்கள் பெயர், மின்னஞ்சல், மொபைல் எண் உள்ளிட்ட விவரங்களைப் பயன்படுத்தி பதிவு செய்யவும்
சேவை பக்கத்திற்கு திரும்பி, விண்ணப்பத்தை பூர்த்தி செய்து, தேவையான ஆவணங்களை பதிவேற்றிக், AED 70 கட்டணத்தை செலுத்தவும்