தேசிய வானிலை ஆய்வு மையத்தின் (NCM) கணிப்புப்படி, இன்று (புதன்கிழமை) முதல் ஞாயிற்றுக்கிழமை வரை ஐக்கிய அரபு அமீரகத்தில் சீரற்ற வானிலை நிலவும். குறைந்த காற்றழுத்த தாழ்வு நிலை காரணமாக இந்த மாற்றம் ஏற்படுகிறது.
தினசரி வானிலை அறிக்கை:
புதன்கிழமை (இன்று): வானம் மேகமூட்டத்துடன் காணப்படும். கடலோர மற்றும் மேற்கு பகுதிகளில் மழை பெய்ய வாய்ப்புள்ளது. பலத்த காற்றினால் தூசு மற்றும் மணல் பறக்கக்கூடும். வெப்பநிலை சற்று குறையும்.
கடலோரப் பகுதிகளில் 24°C முதல் 33°C வரையிலும், உள்நாட்டுப் பகுதிகளில் அதிகபட்சமாக 33°C வரையிலும் வெப்பநிலை பதிவாகலாம். இன்று கடல் சீற்றமாக இருக்கும், ஆனால் மதியத்திற்குப் பிறகு ஓரளவு சாதாரணமாக மாறும்
வியாழக்கிழமை: ஆங்காங்கே மழை பெய்யக்கூடும். இரவு நேரங்களில் ஈரப்பதம் அதிகரித்து, வெள்ளிக்கிழமை அதிகாலையில் மேற்கு பகுதிகளில் பனிமூட்டம் ஏற்பட வாய்ப்புள்ளது.
வெள்ளிக்கிழமை: மேற்கு கடலோரப் பகுதிகள் மற்றும் தீவுகளில் லேசான மழைக்கு வாய்ப்புள்ளது. அன்றைய தினத்திலிருந்து வெப்பநிலை படிப்படியாக உயரத் தொடங்கும்.
சனி மற்றும் ஞாயிறு: வானிலை லேசான மேகமூட்டத்துடனோ காணப்படும். இருப்பினும், அதிகாலை நேரங்களில் கடலோரப் பகுதிகளில் மூடுபனி அல்லது பனிமூட்டம் நிலவக்கூடும்.
