உலகின் தூய்மையான நகரங்களில் இரண்டாமிடம் பிடித்த ஷார்ஜா; என்ன காரணம்?

ராடிக்கல் ஸ்டோரேஜ்  என்ற இணையதளம் வெளியிட்ட உலகிலேயே மிகத் தூய்மையான நகரங்களின் பட்டியலில் ஷார்ஜா இரண்டாவது இடத்தையும்,  துபாய் ஒன்பதாவது இடத்தையும் பிடித்துள்ளது. 

சர்வதேச அளவில் பயண மற்றும் சுற்றுலாத் தரவுகளில் நிபுணத்துவம் பெற்ற Radical Storage என்ற இணையதளம் வெளியிட்ட சமீபத்திய தரவரிசையின்படி, ஷார்ஜா உலகின் மிகவும் தூய்மையான நகரங்களில் ஒன்றாக மதிப்பிடப்பட்டுள்ளது. 

தரவரிசை மற்றும் ஆய்வு முறை

இந்தத் தரவரிசை, கடந்த ஓராண்டில் முக்கிய சுற்றுலா நகரங்களில் தூய்மை குறித்த திருப்தி அளவை அளவிட, கூகுள் மூலம் சமர்ப்பிக்கப்பட்ட பல்லாயிரக்கணக்கான சுற்றுலா பயணிகளின் கருத்துகளை பகுப்பாய்வு செய்து தயாரிக்கப்பட்டுள்ளது.

Euromonitor International-இன் உலகின் முதல் 100 உலகளாவிய சுற்றுலாத் தலங்களின் பட்டியலில் உள்ள ஒவ்வொரு நகரத்தின் முதல் 10 சுற்றுலாத் தலங்களின் மதிப்பீடுகளில் இருந்து 70,000 உண்மையான டிஜிட்டல் கருத்துக்கள் பகுப்பாய்வு செய்யப்பட்டன.

இந்தச் செயல்முறையானது, வாடிக்கையாளர்களின் கருத்துக்களை ஆய்வு செய்து, அதில் பயன்படுத்தப்பட்ட சுத்தம் தொடர்பான வார்த்தைகளின் அடிப்படையில் (எ.கா., ‘தூய்மை’ (clean), ‘அழுக்கு’ (dirty) போன்ற சொற்கள்)  உருவாக்கப்பட்டது. 

தரவரிசையில் முன்னிலை வகிக்கும் நகரங்கள்:

தரவரிசை முடிவுகளின்படி, ஷார்ஜா அதன் தெருக்கள் மற்றும் பொது வசதிகளின் (public facilities) தூய்மை குறித்து கிட்டத்தட்ட 98% நேர்மறையான மதிப்பீட்டைப் பெற்று, உலகளவில் 2வது இடத்தை பிடித்துள்ளது. 

தரவரிசை	நகரம் (நாடு)	நேர்மறை மதிப்பீடு (%)
முதலிடம்	கிராகோவ் (போலந்து)	98.5%
இரண்டாமிடம்	ஷார்ஜா (ஐக்கிய அரபு அமீரகம்)	98.0%
மூன்றாமிடம்	சிங்கப்பூர்	97.9%
நான்காமிடம்	வார்சா (போலந்து)	97.8%
ஐந்தாமிடம்	தோஹா (கத்தார்)	97.4%

ஷார்ஜா இடம்பெற்றதற்கான காரணங்கள்: 

• சுகாதாரம் தொடர்பான விதிமீறல்கள் மீது கடுமையான நடவடிக்கை

• நவீன துப்புரவு உபகரணங்கள் மற்றும் கழிவு மேலாண்மையில் தொடர்ச்சியான கலாச்சார மற்றும் சுற்றுலாப் பகுதிகள், சந்தைகள் மற்றும் கடற்கரைகளின் தூய்மைக்கான உறுதிப்பாடு 

• இந்த நடவடிக்கைகள் பார்வையாளர்களின் அனுபவத்தை மேம்படுத்தி, எமிரேட்டின் விரிவான நாகரீகமான பிம்பத்தை பிரதிபலித்துள்ளது.