ஐக்கிய அரபு அமீரகத்தில் சனிக்கிழமை (மே 24) வெப்பநிலை 51.6°C என்ற அபூர்வமான அளவிற்கு ஏறியது. இது மதியம் 1.45 மணிக்கு அல் அயினில் உள்ள ஸுவைஹானில் பதிவு செய்யப்பட்டது என தேசிய வானிலை மையம் (NCM) தெரிவித்தது.
இந்த கடும் வெப்பம், இந்த பருவத்தில் இதுவரை பதிவு செய்யப்பட்ட அதிகபட்ச வெப்பநிலைகளில் ஒன்றாகும். இது, எதிர்வரும் மாதங்களில் நாடு கடந்து விடும் கடும் கோடையினை முன்கூட்டியே தெரிவிக்கிறது.
விரைவாக தொடங்கிய கோடை:
மே 23 அன்று, அமீரகத்தில் 50.4°C என்ற வெப்பநிலை பதிவாகியது. இது, 2003 ஆம் ஆண்டில் பதிவுகள் தொடங்கியதிலிருந்து மே மாதத்தில் பதிவான மிக உயர்ந்த வெப்பமாகும் என வானிலை மையம் தெரிவித்தது.
இதற்கு முந்தைய மாதமான ஏப்ரல், ஐக்கிய அரபு அமீரகத்திற்கான வரலாற்றிலேயே அதிகமான சராசரி வெப்பநிலையுடன் (42.6°C) கடந்தது. இதுவரை அதிகமாகப் பதிவான ஏப்ரல் வெப்பம் 2017 ஆம் ஆண்டு 42.2°C ஆக இருந்தது.
இந்த வெப்பநிலைகள் மேலும் உயர்வதற்கும் முன்பாகவே, துல்லியமாகச் சொல்வதென்றால், ஜூன் 21 அன்று நடைபெறவுள்ள Summer solstice (கோடை தொடக்கம்) -க்கு முன்னர் பதிவாகி வருகின்றன.
இரண்டு ஆண்டுகளுக்கு ஒருமுறை நிகழும் Summer Solstice எனப்படும் பூமி சூரியனை நோக்கி சாயும் நிகழ்வு காரணமாக பகல் நேரம் அதிகமாகவும் இரவு நேரம் குறைவாகவும் மாறும். மே மாதத்துடன் ஒப்பிடும்போது ஜூனில் அமீரகம் முழுவதும் சராசரி வெப்பநிலை சுமார் 2°C முதல் 3°C வரை உயரும் என தேசிய வானிலை ஆய்வு மையம் தெரிவித்துள்ளது. கடந்த ஆண்டு ஜூலை மாதத்தில், ஸுவைஹானில் 50.8°C வரை வெப்பநிலை பதிவானது. ஆனால் இந்த ஆண்டு, மே மாதம் 51.6°C வரை வெப்பம் பதிவானது.
சுகாதாரத்தை பாதுகாக்க வேண்டிய அவசியம்!
வெப்பநிலை 51°C ஐ கடந்து செல்லும் நிலையில், மக்கள் தங்கள் சுகாதாரம் மற்றும் பாதுகாப்புக்கு முன்னுரிமை அளிக்க தேவையான முன்னெச்சரிக்கைகளை எடுக்க வலியுறுத்தப்படுகிறார்கள்.
அமீரகத்தில் குழந்தைகள், முதியோர், கர்ப்பிணிகள் மற்றும் நோயாளிகளுக்கு தீவிரமான சுகாதாரப் பாதிப்புகளை ஏற்படுத்தக்கூடும். எனவே அதிகரித்து வரும் வெப்பத்தை எதிர்கொள்ள தயாராக இருக்குமாறு எச்சரிக்கை விடுக்கப்பட்டுள்ளது.
