துபாய் சுற்றுலா விசா பெறுவதற்கான புதிய விதிமுறைகள் என்ன? 

சமீபத்தில் இந்திய பயணிகள் துபாய் விசிட் விசா பெறுவதற்கு அந்நாட்டு அரசு கடும் நிபந்தைகள் விதித்துள்ளதாக செய்திகள் வெளியாகின. மேலும், இந்த நிபந்தனைகள் மூலம் விசா செயல்முறையை மேம்படுத்துவதே நோக்கம் என்று துபாய் இமிக்ரேஷன் துறை விளக்கமளித்துள்ளதாக பயண முகவர்கள் தெரிவித்துள்ளனர்.

துபாய் சுற்றுலா விசா வகைகள்:

ஒற்றை நுழைவு சுற்றுலா விசா (single entry): 30 நாட்கள் அல்லது 60 நாட்களுக்கு செல்லுபடியாகும்.

பல நுழைவு சுற்றுலா விசா(multiple-entry): 30 நாட்கள் அல்லது 60 நாட்களுக்கு செல்லுபடியாகும்

பல நுழைவு நீண்ட கால சுற்றுலா விசா (multiple-entry long-term): ஐந்து ஆண்டுகளுக்கு செல்லுபடியாகும்

டிரான்சிட் விசா (transit visa): ஒன்று 48 மணிநேரமும் மற்றொன்று 96 மணிநேரமும் செல்லுபடியாகும்

இந்தியர்களுக்கான வருகை விசா (visa on arrival): அமெரிக்காவால் வழங்கப்பட்ட விசிட் விசா, அல்லது அமெரிக்காவால் வழங்கப்பட்ட கிரீன் கார்டு அல்லது இங்கிலாந்து அல்லது ஐரோப்பிய ஒன்றியத்தால் வழங்கப்பட்ட விசிட் விசா/குடியிருப்பு அனுமதி உள்ள இந்தியர்களுக்கு மட்டும் வருகை விசா வழங்கப்படுகிறது.

விசா காலாவதியானால்?

அதிக நேரம் தங்கியிருப்பதற்கான அபராதங்கள் இருக்கின்றன, இது ஒரு நாளுக்கு AED50 தரப்படுத்தப்பட்ட கட்டணம் மற்றும் விசா காலாவதியான 10 நாட்களில் இருந்து கணக்கிடப்படும்.

எந்தவொரு சுற்றுலா விசாவிற்கும் விண்ணப்பிக்கும் முன், நீங்கள் தேர்ந்தெடுத்த விசா வகைக்கான குறிப்பிட்ட தேவைகளை மதிப்பாய்வு செய்து தேவையான அனைத்து ஆவணங்களும் ஒழுங்காக உள்ளதா என்பதை உறுதிப்படுத்தவும்சில சந்தர்ப்பங்களில், GDRFA இன் அதிகாரப்பூர்வ இணையதளம் அல்லது அமர் சேவை மையம் வழியாக சுற்றுலா விசாவை நீட்டிக்க முடியும் என்று தெரிவிக்கப்பட்டுள்ளது.  

புதிய நிபந்தனைகள் என்ன?

புதுப்பிக்கப்பட்ட விதிகளின்படி, விண்ணப்பத்தின் போதே கீழ்கண்ட ஆவணங்களை எமிக்ரேஷன் துறையின் இணையத்தளத்தில் பதிவேற்றப்பட வேண்டும் என்று அறிவுறுத்தப்பட்டுள்ளது.  

 கட்டாய ஹோட்டல் முன்பதிவுகள் மற்றும் ரிட்டன் டிக்கெட்டுகள்:

பயணிகள் இப்போது விசா விண்ணப்பத்தின் போது ஹோட்டல் முன்பதிவு மற்றும் ரிட்டன் டிக்கெட்டுகளுக்கான ஆதாரத்தை வழங்க வேண்டும் விசா விண்ணப்பிக்கும் போதே வழங்க வேண்டும்.

QR குறியீடு தேவை: ஹோட்டல் முன்பதிவு ஆவணங்களில் சரிபார்ப்பு நோக்கங்களுக்காக QR குறியீடு இருக்க வேண்டும் என தெரிவிக்கப்பட்டுள்ளது. 

டிராவல் ஏஜென்சி ஈடுபாடு: சுற்றுலா விசாக்களுக்கு விண்ணப்பிக்க அங்கீகரிக்கப்பட்ட பயண முகமைகள் அல்லது முகவர்களால்  மட்டுமே முடியும் என்று தெரிவிக்கப்பட்டுள்ளது. 

இருப்பு தொகை காண்பிக்க வேண்டும்:

• ஒரு மாத விசிட் விசாவிற்கு – AED 3,000
  
• இரண்டு மாத விசிட் விசாவிற்கு – AED 5,000

தொகை இருப்பு இருப்பதை விண்ணப்பத்தின் போதே காண்பிக்க வேண்டும் என்று தெரிவிக்கப்பட்டுள்ளது.