இந்திய வெளியுறவு அமைச்சகம் அறிவித்துள்ள புதிய விதிகளின்படி, 15 வயதுக்குட்பட்ட சிறுவர்களுக்கான இந்திய பாஸ்போர்ட் செல்லுபடி காலம் 5 ஆண்டுகளாகக் குறைப்பு.
15 வயதுக்குட்பட்ட குழந்தைகளுக்கு வழங்கப்படும் பாஸ்போர்ட்டின் செல்லுபடி காலம் 5 ஆண்டுகள் அல்லது அவர்கள் 18 வயதை அடையும் வரை மட்டுமே செல்லுபடியாகும். அவற்றில் எது முன்னதாக வருகிறதோ அதுவே கணக்கில் எடுத்துக்கொள்ளப்படும் என்று இந்திய அரசு அறிவித்துள்ளது.
‘பாஸ்போர்ட் (திருத்த) விதிகள், 2026’ (Passports Amendment Rules, 2026) என்ற பெயரில் வெளியிடப்பட்டுள்ள இந்தப் புதிய விதிகள், 1980-ஆம் ஆண்டின் பாஸ்போர்ட் விதிகளில் திருத்தம் செய்து கொண்டுவரப்பட்டுள்ளன.
குழந்தைகளுக்கான இந்திய பாஸ்போர்ட்டில் புதிய திருத்தம்
1980-ஆம் ஆண்டின் பாஸ்போர்ட் விதிகளின் விதி 12-ல் கொண்டுவரப்பட்டுள்ள இந்த புதிய திருத்தத்தின்படி, 15 வயதுக்கு உட்பட்ட சிறுவர்களுக்கு வழங்கப்படும் 36 பக்கங்களைக் கொண்ட சாதாரண பாஸ்போர்ட், 5 ஆண்டுகள் அல்லது அவர்கள் 18 வயதை அடையும் வரை மட்டுமே செல்லுபடியாகும்.
செப்டம்பர் 15, 2026 தேதியிட்ட இந்த அறிவிக்கை, இந்திய அரசின் அதிகாரப்பூர்வ இதழில் (Official Gazette) வெளியிடப்பட்ட நாளிலிருந்து உடனடியாக அமலுக்கு வந்துள்ளது.
பாஸ்போர்ட் கட்டணங்களில் செய்யப்பட்ட மாற்றம்
மத்திய அரசு முன்னதாகவே பாஸ்போர்ட் விண்ணப்பக் கட்டண அமைப்பை உயர்த்தியிருந்தது குறிப்பிடத்தக்கது.
| பாஸ்போர்ட் வகை | பழைய கட்டணம் | புதிய கட்டணம் |
| சாதாரண புதிய/மறுபதிப்பு பாஸ்போர்ட் (36 பக்கங்கள்) | ₹1,500 | ₹2,500 |
| சாதாரண புதிய/மறுபதிப்பு பாஸ்போர்ட் (60 பக்கங்கள்) | ₹2,000 | ₹3,500 |
| தட்கல் (Tatkal) பாஸ்போர்ட் (36 பக்கங்கள்) | – | ₹5,000 |
| தட்கல் (Tatkal) பாஸ்போர்ட் (60 பக்கங்கள்) | ₹4,000 | ₹6,000 |
| சிறுவர்களுக்கான பாஸ்போர்ட் (18 வயதுக்குட்பட்டோர் – 36 பக்கங்கள்) | – | ₹1,750 |
