ஐக்கிய அரபு அமீரகத்தில் இன்று (செப்.05) வானம் ஓரளவு மேகமூட்டத்துடன், லேசான மழை மற்றும் தூசுடன் காணப்படும் என்று தேசிய வானிலை ஆய்வு மையம் (NCM) தெரிவித்துள்ளது.
நாட்டின் பெரும்பாலான பகுதிகளில் இன்று வெயில் இருக்கும். இருப்பினும், பிற்பகலுக்குப் பிறகு நாட்டின் கிழக்கு மற்றும் மேற்குப் பகுதிகளில் மேகங்கள் உருவாகி லேசான மழைக்கு வாய்ப்புள்ளது.
நாட்டின் அதிகபட்ச வெப்பநிலை 44-45°C ஆகவும், குறைந்தபட்ச வெப்பநிலை 25-30°C ஆகவும் இருக்கும் என்று எதிர்பார்க்கப்படுகிறது. கடலோரப் பகுதிகளில் அதிகபட்ச வெப்பநிலை 39-45°C ஆகவும், மலைப் பகுதிகளில் 33-39°C ஆகவும் இருக்கும்.
மணிக்கு 10-25 கி.மீ வேகத்தில், சில நேரங்களில் 40 கி.மீ வேகத்தில் மிதமான காற்று வீசக்கூடும். இதனால் லேசான தூசு மற்றும் மணல் காற்று ஏற்பட வாய்ப்புள்ளது.
கரையோரப் பகுதிகளில் ஈரப்பதம் 75-90% ஆகவும், மலைப் பகுதிகளில் 60-80% ஆகவும் இருக்கும். இரவு மற்றும் சனிக்கிழமை காலை வேளையில், கடற்கரை மற்றும் உட்புறப் பகுதிகளில் ஈரப்பதம் அதிகரித்து, லேசான பனிமூட்டம் ஏற்பட வாய்ப்புள்ளது.
